შრომის ბაზრის ანალიზი

მეთოდოლოგია

1. წყარო: „Vacancy Database“, შითი „All“. 8,484 უნიკალური ვაკანსია jobs.ge-დან (3,975), hr.ge-დან (2,543) და myjobs.ge-დან (1,966), გამოქვეყნებული 2026 წლის 27 სექტემბრიდან 28 ოქტომბრამდე. ერთნაირი განცხადება (იგივე პოზიცია, კომპანია და თარიღი) ერთხელ ითვლება.
2. პროფესიული მიმართულება აღებულია ბაზის კლასიფიკაციიდან („Field“). ანგარიში ბაზრის ზოგადი მიმოხილვაა, ამიტომ დონეების (დამწყები, უფროსი და ა.შ.) მიხედვით ჭრილები მასში არ შედის.
3. ინდუსტრია კომპანიას მიენიჭა „Company Database - Softiko“-ს კატეგორიებით: ნაწილი პირდაპირ Softiko-დან, ყველაზე აქტიური დამსაქმებლები SMART-ის მიერ, დანარჩენი კომპანიის დასახელების მიხედვით. ვაკანსიების 26%-ის ინდუსტრია დაუზუსტებელია და ინდუსტრიულ ჭრილებში არ შედის.
4. უნარები, ბენეფიტები და სამუშაო ფორმატი განისაზღვრა განცხადების ტექსტის საკვანძო სიტყვებით, ამიტომ მცირე ცდომილება შესაძლებელია. გამოცდილების განაწილება ეყრდნობა მხოლოდ იმ ვაკანსიებს, სადაც წლებია მითითებული.
5. ანაზღაურება ეყრდნობა 2,583 ვაკანსიას, სადაც ხელფასი მითითებულია (300–20,000 ₾ ფარგლებში). ვაკანსიაში მითითებული ხელფასი შეთავაზებაა და არა რეალურად გადახდილი თანხა. ანალიზი სამ პორტალს მოიცავს და არა მთელ შრომის ბაზარს.
6. შეთავაზების ინდექსი ვაკანსიას ადარებს იმავე მიმართულების ვაკანსიებს ოთხი კომპონენტით: ანაზღაურება, ბენეფიტები, მოთხოვნების ზომიერება და გამჭვირვალობა. ბაზიდან არჩეული ვაკანსიების ტექსტები ანონიმიზებულია.